Ֆրանսիայի արտաքին գործերի նախարար Կատրին Կոլոննան ժամանել է Երևան: Ավելի վաղ արտգործնախարարը տեղեկացրել էր, որ Հայաստան է ուղևորվում Ուկրաինայից: Հիշեցնենք՝ մի քանի օր առաջ խորհրդարանում հարցուպատասխանի ժամանակ Կոլոննան հայտարարել էր, որ Ֆրանսիան ամրապնդում է Հայաստանի հետ գործակցությունը պաշտպանության ոլորտում։
«Մենք ռազմական կցորդ կունենանք Երևանում։ Շուտով նաև հյուպատոսություն ենք բացելու Սյունիքի մարզում՝ սահմանային հատվածում»,- նշել էր Կատրին Կոլոննան:
Ֆրանսիայի արտգործնախարարության հայտարարության մեջ նշվում է, որ Կոլոննային ընդունելու է վարչապետ Նիկոլ Փաշինյանը: Այնուհետև Կատրին Կոլոննան Հայաստանի արտաքին գործերի նախարար Արարատ Միրզոյանի հետ տեսակցելու է Լեռնային Ղարաբաղից բռնի տեղահանված անձանց։
«Բարեկամություն, աջակցություն և համերաշխություն»,- նշել է Կոլոննան:
Ֆրանսիայի ԱԳ նախարար Կատրին Կոլոննան ողջունել է Հռոմի ստատուտը վավերացնելու՝ ՀՀ Ազգային ժողովի որոշումը։ Ըստ նրա, դրանով Հայաստանը դառնում է միջազգային քրեական դատարանի մասնակից պետություն:
«Հանցագործությունների անպատժելիության դեմ պայքարը խաղաղության և կայունության պայմաններից մեկն է»,- ասված է նրա «X»-ի էջում գրել է նա։