Եվրոպական հարևանության և ընդլայնման քաղաքականության հարցերով եվրահանձնակատար Օլիվեր Վարհեյին երկուշաբթի Լյուքսեմբուրգում հարցաշար է հանձնել Վրաստանի արտգործնախարար Իլյա Դարչիաշվիլուն՝ գրում է ТАСС-ը։

«Սա հարցաշար է, որով մենք կցանկանայինք իմանալ, թե որտեղ է գտնվում ձեր երկիրը՝ ներառյալ քաղաքական և տնտեսական պայմանները: Հարցաշարի մի մասն էլ վերաբերում է ձեր օրենսդրության համապատասխանությանը եվրոպականին: Սա եվրոպական ճանապարհի ձեր առաջին քայլն է»:

Հարցաթերթիկը բաղկացած է 40 էջից և պարունակում է 369 հարց՝ ուղղված Վրաստանի իշխանություններին։ Ինչպես երկուշաբթի ավելի վաղ նշել էր Վրաստանի վարչապետ Իրակլի Ղարիբաշվիլին, բոլոր գերատեսչությունները կներգրավվեն հարցերի պատասխանները կազմելու գործում, և գործընթացը կլինի իր անձնական հսկողության տակ։

Մարտի 3-ին Ղարիբաշվիլին ստորագրել էր հանրապետությանը Եվրամիությանն անդամակցելու թեկնածուի կարգավիճակ շնորհելու դիմումը։

Եվրահանձնաժողովը պետք է հանձնարարական ներկայացնի ԵՄ Խորհրդին՝ անդամակցելու համար բանակցություններ սկսելու վերաբերյալ, ինչն առաջին պաշտոնական քայլն է դեպի անդամակցություն: Հաջորդիվ տվյալ երկիրը պետք է համաձայնի եվրոպացի բանակցողների հետ մի շարք պայմանների կամ «բանակցային կետերում», որոնք պետք է կատարի: Բանակցային գործընթացը կարող է տևել մի քանի տարուց մինչև անորոշ երկար ժամանակ:

Եվրամիությանն անդամակցելու ամենակարճ ճանապարհն անցել է Ֆինլանդիան՝ երեք տարի, ամենաերկարը՝ Թուրքիան, որը 2005 թվականի աշնանը սկսեց ԵՄ-ին անդամակցելու բանակցությունները, և մինչ այժմ դրանց ավարտի հեռանկարը տեսանելի չէ։

Արցախի Հանրապետության մարդու իրավունքների պաշտպանը հրապարակել է «2021 թվականի գործունեության, ինչպես նաև մարդու իրավունքների և ազատությունների պաշտպանության վիճակի մասին» տարեկան հաղորդումը։ Հաղորդումը բաղկացած է 14 բաժիններից, որոնցում ըստ առանձին բաժինների ներկայացված են.

Մարդու իրավունքների պաշտպանի գործունեության ընդհանուր բնութագիրը և հիմնական ուղղությունները.

պաշտպանի քննարկմանը ներկայացված դիմումների և բողոքների վիճակագրական տվյալները,

անձնական (քաղաքացիական) և քաղաքական իրավունքների և ազատությունների վերաբերյալ դիմումների և բողոքների ուսումնասիրության և քննարկման արդյունքները,

սոցիալական և տնտեսական իրավունքների և ազատությունների պաշտպանության վերաբերյալ դիմումների և բողոքների ուսումնասիրության և քննարկման արդյունքները,

պաշտպանի գործունեությունը խոշտանգումների և այլ դաժան, անմարդկային կամ արժանապատվությունը նվաստացնող վերաբերմունքի կամ պատժի կանխարգելման ոլորտում։

հաշմանդամություն ունեցող անձանց իրավունքների և ազատությունների պաշտպանության վիճակը և այդ բնագավառում Պաշտպանի գործունեությունը, 

երեխաների իրավունքների և ազատությունների պաշտպանության վիճակը և այդ բնագավառում Պաշտպանի գործունեությունը,

պաշտպանի գործունեությունը հասարակության խոցելի խմբերին պատկանող անձանց իրավունքների և ազատությունների պաշտպանության բնագավառում։

զինծառայողների և նրանց ընտանիքի անդամների իրավունքների և ազատությունների պաշտպանության վիճակը։

հանրային ծառայությունների ոլորտում սպառողների իրավունքներն ու ազատությունները,

պաշտպանի գործունեությունը օրենսդրության կատարելագործման բնագավառում,

Ադրբեջանի հանցավոր գործողությունների հետևանքով Արցախի ժողովրդի իրավունքների կոպտագույն խախտումները, Պաշտպանի հայտարարություններն ու արտահերթ զեկույցները,

պաշտպանի ներքին և արտաքին համագործակցությունը։

պաշտպանի գործունեությունը մարդու իրավունքների և ազատությունների հանրային իրազեկման բնագավառում։

«2021 թվականի գործունեության, ինչպես նաև մարդու իրավունքների և ազատությունների պաշտպանության վիճակի մասին» տարեկան հաղորդումը Պաշտպանի կողմից ուղարկվել է ԱՀ Ազգային ժողով։

Օրենքով սահմանված կարգով Հաղորդումը ներկայացվելու է նաև պետական իրավասու մարմիններին և հասարակական կազմակերպություններին։