Այսօր վաղ առավոտից ընդդիմությունը վերսկսել է անհնազանդության ակցիաները: Քաղաքացիների մի խումբ փակել է Կոմիտաս-Վաղարշյան խաչմերուկը. ոստիկանությունը հինգ րոպե ժամանակ է տվել ցուցարարներին` ճանապարհը բացելու համար. որոշ ժամանակ անց ոստիկաններին հաջողվել է բացել ճանապարհը:
Ակցիայի մասնակիցները փակել են Խանջյան-Նալբանդյան խաչմերուկը, մեկ այլ խումբ էլ փորձել է փակել Բաղրամյան-Պռոշյան խաչմերուկը: Ակցիայի մասնակիցները փորձել են փողոցներ փակել, սակայն ոստիկանական ուժերը նրանց հեռացրել են, փողոցները՝ բացել, երթևեկությունն էլ՝ վերականգնել։
Ակցիաները որոշ դեպքերում խաղաղ չեն անցնում, քանի որ բախում է լինում ցուցարարների ու ցուցարարների գործողությունները չսատարող քաղաքացիների միջև: