Անթալիայում մեկնարկել է Ռուսաստանի, Ուկրաինայի և Թուրքիայի արտգործնախարարներ Սերգեյ Լավրովի, Դմիտրո Կուլեբայի և Մևլութ Չավուշօղլուի եռակողմ հանդիպումը:
Հաղորդվում է, որ բանակցությունները կտևեն մոտ 1․5 ժամ, ինչից հետո կողմերը հանդես կգան առանձին մամուլի ասուլիսներով։
Այսօր ավելի վաղ Չավուշօղլուն երկկողմ հանդիպումներ է անցկացրել Սերգեյ Լավրովի և Դմիտրո Կուլեբայի հետ։ Նշվում է, որ Թուրքիայի և Ուկրաինայի ԱԳ նախարարները քննարկել են Ուկրաինայում հակամարտության դադարեցման միջոցառումները:
Կիևը մշտապես հանդես է գալիս Վլադիմիր Պուտինի և Վոլոդիմիր Զելենսկու միջև ուղիղ բանակցություններ անցկացնելու վերաբերյալ առաջարկներով. այժմ այդ հարցը քննարկում են արտգործնախարարները: Այդ մասին հայտնել է Ռուսաստանի նախագահի մամուլի քարտուղար Դմիտրի Պեսկովը` խոսելով Անթալիայում Ռուսաստանի, Ուկրաինայի և Թուրքիայի արտգործնախարարների եռակողմ հանդիպման մասին:
Անդրադառնալով Վոլոդիմիր Զելենսկու ստորագրած օրենքին, որը բոլոր ուկրաինացիներին թույլ է տալիս ռազմական դրության պայմաններում զենք կիրառել, Պեսկովը նշել է, որ բոլոր նրանք, ովքեր կհարձակվեն ռուս զինվորականների վրա, կդառնան թիրախ: