Միացյալ Նահանգները Եվրոպայի տարբեր երկրներում տեղակայել է իր միջուկային սպառազինությունը, ժամանակն է, որ այն տուն վերադարձվի, հայտարարել է ՌԴ արտաքին գործերի նախարար Սերգեյ Լավրովը։ Նրա խոսքով՝ Ուկրաինայում տեղի ունեցող ողբերգությունը հետևանքն է այն վերաբերմունքի, որ ունեցել են արևմտյան հովանավորներն այդ երկրում գործող հանցագործ ռեժիմի նկատմամբ։
ՌԴ ԱԳ նախարար Սերգեյ Լավրովն ասել է, որ ներկա պայմաններում պետք է ամեն ինչ անել, որպեսզի սպառազինությունների մրցավազքի նոր փուլերը կանխվեն։ Այս մասին ՌԴ ԱԳՆ ղեկավարն ասել է երեքշաբթի օրը զինաթափմանը նվիրված համաժողովում.
«Այսօր ինտենսիվ համատեղ աշխատանքի պահանջ կա՝ կանխատեսելիությունը բարձրացնելու և սպառազինությունների մրցավազքի նոր փուլերը կանխելու համար: Ներկա պայմաններում անհրաժեշտ է զերծ մնալ ցանկացած գործողությունից, որն ուղղված է սպառազինությունների վերահսկման, չտարածման և եւ զինաթափման ճարտարապետության ապամոնտաժմանը։ Չափազանց կարեւոր է ձեռնպահ մնալ ռազմական զարգացման ոլորտում վտանգավոր քայլերից, որոնք կարող են ընկալվել որպես հավասար ու անբաժանելի անվտանգության սկզբունքի խախտում»,- ասել է Լավրովը։
ՌԴ ԱԳՆ ղեկավարը նաեւ հայտնել է, որ ռուսական կողմը կոչ է անում ԱՄՆ-ին եւ նրա դաշնակիցներին միանալ Եվրոպայում միջին եւ փոքր հեռահարության հրթիռների տեղակայման մորատորիումին։
«Մեր երկիրը միակողմանի պարտավորվել է չտեղակայել պայմանագրին ենթակա առաջին համակարգերը (միջին և փոքր հեռահարության հրթիռների մասին) այն շրջաններում, որտեղ ամերիկյան արտադրության նմանատիպ համակարգեր չեն տեղակայվի: Մենք կոչ ենք անում Միացյալ Նահանգներին և նրա դաշնակիցներին հետևել մեր օրինակին»,- ասել է Սերգեյ Լավրովը:
