ՀԱՊԿ Հավաքական անվտանգության խորհրդի անդամ երկրների ղեկավարները Դուշանբեում կայացած խորհրդի նիստի արդյունքներով հռչակագիր են ընդունել: Փաստաթուղթը հրապարակվել Է կազմակերպության կայքում:
Հռչակագրի հիմնական թեզերն են.
- ՀԱՊԿ անդամ պետությունները հաստատում են իրենց միասնությունը միջազգային լարվածության աճի պայմաններում։ Կազմակերպությունը կշարունակի Հավաքական անվտանգության ուժերի եւ միջոցների շարունակական զարգացումը,
- Ընդ որում, ՀԱՊԿ երկրները պետք է խորացնեն համագործակցությունը ՄԱԿ-ի, ՇՀԿ-ի, ԱՊՀ-ի եւ ԵԱՀԿ հետ,
- ՀԱՊԿ-ը հանդես է եկել միակողմանի սահմանափակող միջոցների դատապարտմամբ եւ դրանք դիտարկում է որպես միջամտություն ինքնիշխան երկրների ներքին գործերին,
- ՀԱՊԿ-ում մտահոգված են կազմակերպության պատասխանատվության գոտում անվտանգության սպառնալիքների բարձր մակարդակով,
- Կազմակերպության երկրներն անթույլատրելի են համարում պետությունների կողմից ահաբեկչական կազմակերպությունների օգտագործումը սեփական շահերի իրականացման համար,
- ՀԱՊԿ - ում հաստատում են, որ ռազմաքաղաքական ոլորտում իր մասնակից երկրների փոխգործակցությունն ուղղված չէ երրորդ երկրների եւ այլ կազմակերպությունների դեմ,
- Մասնակից երկրների ղեկավարները հանդես են եկել թմրանյութերի վերահսկողության ամրապնդման օգտին եւ ըննդդեմ թմրանյութերի առանձին տեսակների օրինականացման,
- Հավաքական անվտանգության պայմանագրի կազմակերպության երկրները հաստատում են միջուկային զենքի չտարածման մասին պայմանագրի անփոփոխ արժեքը, որպես միջազգային անվտանգության պահպանման կարևոր գործոն,
- ՀԱՊԿ երկրները կշարունակեն համատեղ ջանքերը տիեզերքում սպառազինությունների մրցավազքը կանխելու ուղղությամբ,
- Կազմակերպության անդամ պետությունները պատրաստ են գործուն միջոցներ ձեռնարկել Աֆղանստանում իրավիճակի վատթարացման կապակցությամբ իրենց անվտանգությունն ապահովելու ուղղությամբ:
