Այսօր հայ-ադրբեջանական սահմանի` Վարդենիսի հատվածում հակառակորդի կրակոցից ՀՀ ԶՈւ զինծառայող է զոհվել: Պաշտպանության նախարարությունից 1lurer-ի հետ զրույցում հաստատեցին զոհի մասին լուրը` խոստանալով մանրամասները ներկայացնել ավելի ուշ:
«Հանուն Հայ զինվորի» ՀԿ ղեկավար Դավիթ Թորոսյանը ֆեյսբուքյան իր էջում տեղեկացնում է․
«Ընկերներ, տեղեկությունները, որ գիշերը Վարդենիսի ուղղությամբ լարված է եղել, ճիշտ են, սահմանային գծի կոնկրետ հատվածում ընթացել է փոխհրաձգություն։ Վերջին ունեցած տվյալներով այժմ վիճակը նորմալ է, լուրջ միջադեպեր գիշերվանից հետո չեն եղել։ Իսկ զոհի կամ վիրավորի մասին ինֆոն ճիշտ կլինի, ՊՆ-ն տա։ Ի գիտություն, երբ ասվում է «Վարդենիսի ուղղությամբ» պետք չէ հասկանալ միայն Վարդենիս քաղաքը, այլ պետք է հասկանալ պաշտպանական ուղղության-պաշտպանության թեւ իմաստով»: