Շվեդիայի մայրաքաղաք Ստոկհոլմի բնակիչներից յուրաքանչյուր հինգերորդը կորոնավիրուսի դեմ հակամարմին ունի, վկայում են երկրի առողջապահության հարցերով գերատեսչության շարունակվող հետազոտության նախնական արդյունքները:
Տեղեկատվության համաձայն՝ ապրիլի վերջին պատահական սկզբունքով ընտրված հազար քաղաքացիների 7,3 տոկոսի թեստավորման արդյունքը դրական է եղել: Հետազոտության հեղինակները նշում են նաև, որ հաճախ հակամարմիններ ունեն 20-64 տարեկան անձինք:
Ստոկհոլմը համարվում է կորոնավիրուսից ամենաշատը տուժած շվեդական քաղաքը, մայրաքաղաքին են բաժին են ընկնում երկրի վարակակիրների ավելի քան մեկ երրորդը: Երկրում վարակակիրների թիվն ավելի քան 31 հազար է, զոհվել է շուրջ 3 հազար 800 մարդ:
Շվեդիան այն եզակի երկրներից է, որոնք հրաժարվել են հակահամաճարակային կոշտ սահմանափակումներից և կարանտինային միջոցառումներից:
Աղբյուր՝ Azatutyun.am