«Այս գործողության հիմնական թիրախը և նպատակը Հայաստանին ռազմական գործողությունների մեջ ներքաշելն է», - ասել է ՀՀ վարչապետ Նիկոլ Փաշինյանը ֆեյսբուքյան ուղիղ եթերում ԼՂ-ում ստեղծված իրավիճակի մասին խոսելիս:
Տարօրինակ եմ համարում Ադրբեջանի այն հայտարարությունը, թե մարդասիրական միջանցք են թողնելու խաղաղ բնակչությանը Լեռնային Ղարաբաղը լքելու համար: Այս մասին այսօր ուղիղ եթերում ասաց ՀՀ վարչապետ Նիկոլ Փաշինյանը:
Նա նշեց, որ այս տրամաբանությունը որ զարգացնում է Ադրբեջանը, ակնհայտ ցույց է տալիս էթնիկ զտմանն գործողության մեկնարկ:
«Այս պահի դրությամբ ՀՀ սահմանների երկայնքով իրադրությունը հարաբերականորեն կայուն է, բայց ինչպես ասել եմ, հիմա ընգծում եմ, որ այս գործողության հիմնական և առանցքային թիրախը և նպատակը ՀՀ-ին ռազմական գործողությունների մեջ ներքաշելն է»,-ասաց նա:
Նիկոլ Փաշինյանն ասաց, որ ՀՀ-ն ռազմական գործողությունների մեջ ներքաշված չէ և ՀՀ-ն ԼՂ-ում բանակ չունի: «ՀՀ-ին ռազմական էսկալացիայի մեջ ներքաշելու փորձերը մեզ հաամար անընդունելի են և մենք կառավարելու ենք այս գործողությունը»,-ասաց նա և նշեց, որ չպետք է հնարավորություն տանք, որ որոշ ուժեր՝ արտաքին նաև ներքին, Հայաստանի պետականությունը դնեն հարվածի տակ: