Քննարկմանը կհաջորդի քվեարկությունը։ Բանաձևում Եվրախորհրդարանը դատապարտում է Լեռնային Ղարաբաղում մշակութային ժառանգության ոչնչացումը և կոչ է անում անհապաղ միջոցներ ձոշեռնարկել՝ պաշտպանելու այն։

Եվրապատգամավորները հիշեցնում են, որ մշակութային կամ կրոնական ժառանգության խեղաթյուրումն ու ոչնչացումը հակասում են Միջազգային քրեական դատարանի 2021 թվականի դեկտեմբերի 7-ի որոշմանը, ինչպես նաև Եվրոպական խորհրդարանի 2021 թվականի մայիսի 21-ի որոշմանը:

Խորհրդարանն ընդգծում է, որ Միջազգային դատարանի 2021 թվականի դեկտեմբերի 7-ի հրամաններում նշված միջոցները պետք է ձեռնարկվեն անհապաղ, ընդգծում է, որ եթե լինեն մշակութային ժառանգության ոչնչացման նոր դեպքեր, դրանք պետք է անհապաղ լուծվեն միջազգային հանրության կողմից.

Եվրախորհրդարանը նաև ողջունում է ՅՈՒՆԵՍԿՕ-ի առաջարկը՝ ուղարկել անկախ փորձագիտական ​​առաքելություն և կոչ է անում ուղարկել առաքելությունն առանց հապաղելու, ընդգծում է, որ Ադրբեջանը պետք է անխափան մուտք ապահովի բոլոր մշակութային վայրեր, որպեսզի առաքելությունը տեղում գույքագրի և տեսնի, թե ինչ է տեղի ունեցել այդ վայրերում։ Այն կոչ է անում ԵՄ-ին, ՅՈՒՆԵՍԿՕ-ին, Եվրոպայի խորհրդին և ԵԱՀԿ-ին համատեղ աջակցել մշակութային և կրոնական ժառանգության պահպանմանն ուղղված ջանքերին:

Եվրախորհրդարանի պատգամավորները կոչ են անում Եվրոպական հանձնաժողովին օգտագործել բոլոր առկա լծակները՝ կանխելու վանդալիզմի, մշակութային ժառանգության ոչնչացման կամ փոփոխության գործողությունները Լեռնային Ղարաբաղում։