ԵԱՀԿ գործող նախագահի անձնական ներկայացուցիչ, դեսպան Անջեյ Կասպշիկը ԱՄՆ պետքարտուղարությունում հանդիպել է պետքարտուղարի օգնական Քարեն Դոնֆրիդի հետ: Այս մասին հայտնել է պետքարտուղարության խոսնակ Նեդ Փրայսը հերթական ճեպազրույցի ժամանակ:
«ԵԱՀԿ գլխավոր դիտորդ Անջեյ Կասպշիկը պետքարտուղարությունում էր։ Կարծում եմ, որ նա հանդիպել է պետքարտուղարի օգնական Դոնֆրիդի հետ: Նրանք արդյոք քննարկե՞լ են Լեռնային Ղարաբաղի հարցը կամ ԱՄՆ-ի ներգրավվածությունն այս խնդրում։ Գիտեմ, որ եվրոպացիների ու Վաշինգտոնի միջև կան որոշակի ջանքեր այս հարցի վերաբերյալ»,- հարցրել են Փրայսին:
Պետքարտուղարության խոսնակը նշել է, որ եթե հանդիպման ընթացքում կողմերը համաձայնության են եկել լրացուցիչ հանդիպման շուրջ կամ քննարկել են նման հնարավորություն, ապա մանրամասներն իմանալուն պես՝ կտեղեկացնեն:
