ՀՀ աշխատանքի և սոցիալական հարցերի նախարար Նարեկ Մկրտչյանը Մարտի 8-ի առթիվ շնորհավորել է կանանց:
«Սիրելի՛ կանայք,
շնորհավորում եմ ձեզ՝ Կանանց միջազգային օրվա առթիվ։ Մաղթում եմ անսպառ երջանկություն, ընտանեկան բարեկեցություն և հաջողություններ՝ բոլոր նախաձեռնություններում։
Կանանց իրավունքների պաշտպանության ոլորտում պետությունը շարունակում է անել ամենը՝ կանանց հզորացման, վերջիններիս կարողությունների զարգացման նպատակով։
Աշխատանքի և սոցիալական հարցերի նախարարության կողմից շարունակում են իրականացվել և մշակվում են մի շարք միջոցառումներ, որոնք նպատակ ունեն շարունակաբար ընդլայնել նաև խոցելի խմբերին պատկանող կանանց տրվող աջակցությունները։
Այս համատեքստում, օրենսդրական բարեփոխումներին զուգահեռ, ընթանում են նաև միջոցառումներ, որոնք կնպաստեն կանանց և տղամարդկանց հավասար տնտեսական անկախությանը, կանանց մասնագիտական հմտությունների ձեռքբերմանն ու կայուն զբաղվածության ապահովմանը։
Եվս մեկ անգամ շնորհավորելով բոլոր կանանց՝ մաղթում եմ անսպառ հաջողություններ և խաղաղություն»,- ասված է նախարարի ուղերձում։
