Մարտի 8-ին և 9-ին Միջազգային իրավական հարցերով ներկայացուցչի գլխավորած պատվիրակությունը գտնվում էր Ստրասբուրգում:
Այցի ընթացքում Միջազգային իրավական հարցերով ներկայացուցիչ Եղիշե Կիրակոսյանի գլխավորած պատվիրակությանն ընդունել է ԵԽ Մարդու իրավունքների և իրավունքի գերակայության քարտուղարության գլխավոր քարտուղար Քրիստոս Ջակումոպուլոսը: Քննարկվել են երկուստեք հետաքրքրություն ներկայացնող մի շարք հարցեր: Ընդգծվել է Եվրոպայի խորհրդի համար Հայաստանի կարևորագույն գործընկեր լինելու հանգամանքը:
![May be an image of 7 people and indoor](https://scontent.fevn2-1.fna.fbcdn.net/v/t39.30808-6/275668390_359838312818155_6748493028836643368_n.jpg?_nc_cat=106&ccb=1-5&_nc_sid=730e14&_nc_ohc=nOD6fFx7O8AAX8MXyNL&tn=rxr48JH5NFcmUlod&_nc_ht=scontent.fevn2-1.fna&oh=00_AT9PJ5OExNA_DCIK8YYHBIKZfeBqCKP4YLaohWtHmKv4Bg&oe=62343F61)
Միջազգային իրավական հարցերով ներկայացուցիչը հանդիպումներ է ունեցել նաև ԵԽ Համագործակցության ծրագրերի բաժնի ղեակավար Լիլյա Գրետասդոթրի և վերջինիս ղեկավարած բաժնի ներկայացուցիչների հետ:
Քննարկվել են ԵԽ-Հայաստան համագործակցության շրջանակներում իրականացվող բազմաթիվ ծրագրերի ընթացքին վերաբերող հարցեր: Եղիշե Կիրակոսյանը կարևորել է ընթացիկ ծրագրերի դերը մարդու իրավունքների և հատկապես ՄԻԵԴ վճիռների կատարման հարցում:
ՄԻԵԴ-ի վճիռների կատարման բաժնի ղեկավար կազմի հետ հանդիպման ընթացքում քննարկվել են կատարման փուլում գտնվող մի շարք վճիռների վերաբերյալ ընթացիկ հարցեր և հատուկ ընդգծվել Հայաստանի կողմից ՄԻԵԴ վճիռների կատարման արդյունավետոթյան բարձրացումը վերջին տարիների ընթացքում:
Եղիշե Կիրակոսյանը հանդիպել է նաև Վենետիկի հանձնաժողովի Սահմանադրական արդարադատության դեպարտամենտի ղեկավար Շնուց Դուրի հետ: Քննարկվել են Հայաստանում ընթացող սահմանադրական փոփոխությունների ընթացքին վերաբերող մի շարք հարցեր:
![May be an image of 4 people, people standing, suit and indoor](https://scontent.fevn2-1.fna.fbcdn.net/v/t39.30808-6/275540034_359838252818161_5459541894142167016_n.jpg?_nc_cat=107&ccb=1-5&_nc_sid=730e14&_nc_ohc=nKwn4H9ULdQAX-_7UKB&tn=rxr48JH5NFcmUlod&_nc_ht=scontent.fevn2-1.fna&oh=00_AT-ScStzHxj5B7qo3DWZfFp-AOOxFYOTjM10M2bGbL5x5Q&oe=62334C75)
Միջազգային իրավական հարցերով ներկայացուցիչը հանդիպումներ է ունեցել նաև Մարդու իրավունքների եվրոպական դատարանի քարտուղարության բարձրաստիճան ներկայացուցիչների և դատարանի իրավախորհրդատու Աննա Օսթինի հետ:
Ի թիվս մի շարք հարցերի՝ քննարկվել են Եվրոպական կոնվենցիայի 15-րդ արձանագրության կիրառմանը վերաբերող հարցեր:
Պայմանավորվածություն է ձեռք բերվել սերտորեն համագործակցել ՄԻԵԴ-ի իրավաբանությունը ազգային մակարդակում առավել հասանելի դարձնելուն ուղղված նոր գործիքակազմի ներդրման ուղղությամբ: