Ուղևորի նկատմամբ ոչ պատշաճ վարք դրսևորած ավտոբուսի վարորդը կազատվի աշխատանքից, ֆեյսբուքի իր էջում հայտնել է Երևանի քաղաքապետի մամուլի խոսնակ Հայկ Կոստանյանը։
«Համացանցում տարածվող տեսանյութում ավտոբուսի վարորդը ոչ պատշաճ վարք է դրսևորել ուղևորի նկատմամբ։ Տվյալ վարորդն իր սեփական դիմումի համաձայն կազատվի աշխատանքից»,-ասված է գրառման մեջ։
Տեսանյութում պարզ երևում է, թե ինչպես է ավտոբուսի վարորդը ջրի շիշը նետում ուղևորի վրա, որն այդ պահին հեռախոսով նկարահանում էր՝ դժգոհելով ավտոբուսի աշխատանքից:
