Թուրքիայում հուլիսի 19-ին կորոնավիրուսից (Covid-19) մահացել է 16 մարդ։ Այդ մասին «Twitter» միկրոբլոգի իր պաշտոնական էջում հայտնել է Թուրքիայի առողջապահության նախարար Ֆահրեթթին Քոջան։

Նա նշել է, որ 1 օրում կատարված 41․310 թեստի արդյունքում հաստատվել է կորոնավարակի 924 նոր դեպք։ Նույն ժամանակահատվածում գրանցվել է ապաքինման 997 դեպք:

Ըստ պաշտոնական տվյալների` մինչև օրս համավարակից ապաքինվել է 202.010 մարդ, իսկ 1.246 հիվանդ էլ գտնվում է վերակենդանացման բաժանմունքում։

Թուրքիայում մինչև այժմ ընդհանուր առմամբ արձանագրվել է վարակման 219․641 և մահվան 5․491 դեպք։ Թեստավորումների թիվը հասել է 4 մլն 273.377-ի։

Հիշեցնենք, որ Թուրքիայում պաշտոնական տվյալներով` կորոնավիրուսով վարակվելու առաջին դեպքը հաստատվել է մարտի 11-ին, իսկ մահվան առաջին դեպքը՝  մարտի 17-ին։

Աղբյուր`    Ermenihaber.am