ՀՀ քաղաքաշինության կոմիտեի նախագահ Արմեն Ղուլարյանի նախագահությամբ տեղի է ունեցել Հյուսիս-հարավ ճանապարհային միջանցքի ներդրումային ծրագրի Ծրագիր-4-ի Քաջարան-Ագարակ ճանապարհահատվածի նախագծային փաստաթղթերի պետական համալիր փորձաքննական հանձնաժողովի նիստը։ Այդ մասին ասված է «Ճանապարհային դեպարտամենտ» հիմնադրամի Ֆեյսբուքի էջում:
![May be an image of 4 people, people sitting and indoor](https://scontent.fevn2-1.fna.fbcdn.net/v/t39.30808-6/274326398_4803584369759219_4475847971617639484_n.jpg?_nc_cat=100&ccb=1-5&_nc_sid=730e14&_nc_ohc=FGkzTz-3JB0AX-t79SD&_nc_oc=AQnGbH29DYByMV7se7Mlr737OcxkY6Z9VIktgN_PqQoXPOvHHJfpgzQLf7C1qeuyJr8&_nc_ht=scontent.fevn2-1.fna&oh=00_AT8i7_2e_Zlak5gvsC9CXZTZjFVSXlngioe_vANEyEiGyg&oe=62198602)
«Քննարկվել է Տրանշ-4-ի Քաջարան-Ագարակ 32 կմ ընդհանուր երկարությամբ հատվածի վերակառուցման նախագիծը։ Վերակառուցման աշխատանքները ֆինանսավորվում են Կայունացման և զարգացման եվրասիական հիմնադրամի վարկային, ինչպես նաև ՀՀ պետական բյուջեի միջոցներով։
![May be an image of 6 people, people sitting and indoor](https://scontent.fevn2-1.fna.fbcdn.net/v/t39.30808-6/274335746_4803584296425893_5487214355513167939_n.jpg?_nc_cat=108&ccb=1-5&_nc_sid=730e14&_nc_ohc=I6Gw-nCGtFgAX-yOB6R&_nc_ht=scontent.fevn2-1.fna&oh=00_AT_Z1qRDS_nA4BZLb-1F-AvzgktDljnBUASM32HjoMVUhg&oe=621A61C7)
Վերակառուցվող 32 կմ երկարությամբ ճանապարհահատվածը լինելու է 2-րդ տեխնիկական կարգի՝ 80 կմ/ժ հաշվարկային արագությամբ։
![May be an image of 5 people, people sitting and indoor](https://scontent.fevn2-1.fna.fbcdn.net/v/t39.30808-6/274029712_4803584299759226_4139171901622909353_n.jpg?_nc_cat=105&ccb=1-5&_nc_sid=730e14&_nc_ohc=Yy8EyMXImIwAX9mhbHn&_nc_ht=scontent.fevn2-1.fna&oh=00_AT8YzgfbkNo2d1TQXDdfEMR8cmzJptNmonMSU87isvnu1w&oe=6219BE76)
Ճանապարհահատվածը ներառելու է 18 կամուրջ և 3 թունել, որոնցից ամենաերկարը լինելու է 7.5 կմ։
![May be an image of 8 people, people sitting and people standing](https://scontent.fevn2-1.fna.fbcdn.net/v/t39.30808-6/274371060_4803584606425862_7429114004418747061_n.jpg?_nc_cat=105&ccb=1-5&_nc_sid=730e14&_nc_ohc=sRGBj7CxNW0AX-bBjYf&_nc_ht=scontent.fevn2-1.fna&oh=00_AT-M1W2Sz3VzkZqIPAh_b1Or1LGVDaHtU_5ZOb5BJzLXqg&oe=6218C5AE)
Ծանրաքաշ մեքենաները կունենան իրենց առանձին երթևեկելի գոտին, ինչն առավել դյուրին կդարձնի բեռնափոխադրումները։
![May be an image of 4 people, people sitting and indoor](https://scontent.fevn2-1.fna.fbcdn.net/v/t39.30808-6/274100756_4803584329759223_4629564111624951934_n.jpg?_nc_cat=103&ccb=1-5&_nc_sid=730e14&_nc_ohc=s93w9Bh53H8AX-04dzA&tn=A3bsTIoT37DYyUHn&_nc_ht=scontent.fevn2-1.fna&oh=00_AT9UxMhr9JpzmppmidfswJ4_mZA6ZnfWXyzcjTERcxGV0Q&oe=6219F79B)
Հանձնաժողովի անդամները ներկայացրել են նախագծի վերաբերյալ իրենց դիտարկումները։ Առանձնահատուկ շեշտադրվել են նաև ամբողջ ճանապարհահատվածի և ինժեներական բոլոր կառույցների սեյսմակայուն շինարարական նորմերի պահանջներին համապատասխանության խնդիրները։
Վերջում քվեարկության միջոցով պետական համալիր փորձաքննական հանձնաժողովը Տրանշ-4-ի Քաջարան-Ագարակ 32 կմ ընդհանուր երկարությամբ ճանապարհահատվածի վերակառուցման նախագծին տվել է միաձայն դրական եզրակացություն, որի արդյունքում կարող է կազմակերպվել նշված ճանապարհահատվածի շինաշխատանքների ձեռքբերման մրցութային գործընթացը։
Հանձնաժողովի նիստին հրավիրվել էին նաև ՀՀ տարածքային կառավարման և ենթակառուցվածքների նախարարի տեղակալ Քրիստինե Ղալեչյանը և «Ճանապարհային դեպարտամենտ» հիմնադրամի գործադիր տնօրեն Գոռ Ավետիսյանը, որոնք իրենց պարզաբանումներով մեծապես աջակցել են հանձնաժողովի աշխատանքներին»,- նշված է գրառման մեջ: