Ինչպե˚ս են Երևանի բնակիչները տեսնում քաղաքի զարգացումը: Երևանի քաղաքապետարանը պատրաստ է լսել քաղաքացիների առաջարկները և հրավիրում է հանրային քննարկման՝ Երևանի հնգամյա և հաջորդ տարվա զարգացման ծրագրերի,  բյուջեի, տեղական տուրքերի ու վճարների դրույքաչափերի, դրանց արտոնությունների մասին ավագանու որոշման նախագծերի վերաբերյալ:
Այս մասին քննարկվել է Երևանի քաղաքապետին կից քաղաքային համայնքի զարգացման հնգամյա ծրագրի և տարեկան բյուջեի կառավարման խորհրդի նիստում: Խորհրդի անդամներն ընդգծել են քաղաքային ծրագրերում բնակիչների ակտիվ մասնակցության կարևորությունը: 
Դեկտեմբերի 1-ին՝ ժամը 15.00-ին, կանցկացվի հանրային բաց լսում: Մասնակցության համար անհրաժեշտ է առձեռն կամ առցանց ներկայացնել դիմում՝ մինչև նոյեմբերի 30-ը ներառյալ:
Նոյեմբերի 20-ից մինչև դեկտեմբերի 4-ը ներառյալ քաղաքացիներն իրենց առաջարկներն ու դիտարկումները կարող են ուղարկել նաև առցանց՝ www.yerevan.am, www.e-draft.am կայքերով, էլեկտրոնային փոստով (zargacum@yerevan.am, fin.gorc@yerevan.am, ekamut@yerevan.am),  ինչպես նաև գրավոր ներկայացնել քաղաքապետարան:
Լրացուցիչ տեղեկությունների համար զանգահարել 011 514-227 հեռախոսահամարով: