1995թ.-ի հուլիսի 5-ին ՀՀ քաղաքացին համաժողովրդական հանրաքվեով ընդունեց ՀՀ Սահմանադրությունը՝ որպես երկրի հիմնական օրենք:
Հայաստանի Հանրապետության Սահմանադրությունը Հայաստանի իրավական համակարգի հիմքն է, որին պետք է համապատասխանեն մյուս բոլոր օրենքներն ու իրավական ակտերը:
Հենց Սահմանադրությունը՝ երկրի Մայր օրենքը՝ Օրենքների օրենքն է երկրում հաստատում պաշտպանված քաղաքացու իրավունքները: Եվ մենք էլ պիտի գիտակցաբար ընդունենք մեր Մայր օրենքն ու ամեն մեկս լինենք պետության օրինակելի, կարգապահ քաղաքացի՝ ի շահ մեր երկրի:
Մենք՝ երկրապահներես, ամեն օր ծառայում ենք եւ պատրաստ ենք անմնացորդ ծառայել մեր հայրենիքին:
Հայրենակիցնե´ր
Այսօր առավել քան երբեւէ մեր պետությունը, պետականությունը օրինապահ, իր պետության հանդեպ պարտավորություն, պատասխանատվության մեծ զգացում ունեցող քաղաքացու կարիք ունի: Մենք պետք է համազգային համախմբվածությամբ, հարգանքով վերաբերվենք մեր օրենքներին, լինենք մեր պետության օրինակելի քաղաքացի:
