Եկրապահ կամավորական միության անդամներն այսօր` մայիսի 8-ին, Շուշիի ազատագրման ու Երկրապահի օրը, ԵԿՄ նախագահ Սասուն Միքայելյանի գլխավորությամբ ացելել է «Եռաբլուր» զինվորական պանթեոն:
Ծաղիկների խոնարհումից ու հարգանքի տուրք մատելուց հետո, լրագրողների հետ զրույցում ԵԿՄ նախագահ Սասուն Միքայելյանն ասաց, որ պետք չէ երբեք հուսահատվել, պետք է համախմբվել, չկորցնել հույսն ու հավատալ, որ Շուշին հետ է բերվելու:
Լրագրողների հարցին, թե որքանո՞վ է իրատեսական դա, Միքայելյանը պատասխանեց.
«Մի ժամանակ էլ իրատեսական չէին համարում, որ Շուշին հնարավոր է ազատագրել: Պետք է այսօր մեր բանակի կողքին լինենք, որ բանակը վերականգնվի, իսկ մնացածն ապագայի խնդիր է, պետք չէ հուսահատվել»:
Պատերազմի ընթացքի ու ելքի մասին խոսելիս, Սասուն Միքայելյանը նշեց, որ այս պատերազմը սովորական չէր, վերջնական պատասխան կարող են տալ իրավապհները, թե ինչ է եղել, ովքեր են թերացել և այլն:
Խոսելով Արկադի Տեր-Թադևոսյանին այսօր ու հետմահու Ազգային հերոսի կոչում շնորհելու մասին, ԵԿՄ նախագահը նշեց, որ դա էլ է մտածելու ու հասկանալու թեմա, որի մասին հետո կխոսի: