Վարչապետի աշխատակազմի ղեկավարի տեղակալ Տարոն Չախոյանը հերքել է այն լուրերը, թե Ոսկեպարում Հայաստանի դրոշը Ադրբեջանի դրոշով է փոխարինվել:
«Ֆեյսբուք»-ի իր էջում արված գրառմամբ նա շեշտել է, որ Ոսկեպարը եղել է ու կլինի ՀՀ տարածքային ամբողջականության մաս։
«Ակնհայտ կեղծիքով փորձ է արվում հանրային տրամադրություններ կառավարել ու քաղաքական դիվիդենտներ շահել։ Ցավում եմ, որ սքեմ կրող որոշ եկեղեցականներ ակնհայտ կեղծիքով քաղաքական քարոզչությամբ են զբաղված»,- գրել է նա:
Նկատենք, որ այս հայտարարությունն ավելի վաղ արել էր Տավուշի թեմի առաջնորդ Բագրատ սրբազանը:
Նա լրատվամիջոցներին ասել էր, թե ունի հավաստի տեղեկություններ այն մասին, որ Ոսկեպարում հայկական դրոշը հանվել է, և փոխարենը տեղադրվել է ադրբեջանական դրոշ:
