«Մենք հիմա ավելի մոտ ենք խնդրի լուծմանը (խաղաղության համաձայնագրի ստորագրմանը-խմբ.), քան երբևէ, նախկինոմ մենք շատ հեռու էինք սրանից»։
Այս մասին հայտարարել է Ադրբեջանի նախագահ Իլհամ Ալիևը՝ նշելով, որ նախկինում Հայաստանն ու Ադրբեջանը նույնիսկ չեն կարողացել պայմանավորվել հիմնարար սկզբունքների շուրջ։
Ելույթ ունենալով ADA համալսարանում կազմակերպված «COP29 և կանաչ տեսլականը Ադրբեջանի համար» թեմայով միջազգային ֆորումում, Ալիևը հայտարարել է, թե նախկինում նույնիսկ Մադրիդյան սկզբունքների շուրջ համաձայնություն ձեռք չի բերվել, խաղաղության համաձայնագրի նախագիծ չի եղել։
«Մենք այժմ ընդհանուր պատկերացում ունենք, թե ինչպիսին պետք է լինի խաղաղության համաձայնագիրը: Պարզապես պետք է մանրամասները մշակել: Սակայն, իհարկե, երկու կողմերին էլ ժամանակ է պետք»,- հավելել է Ալիևը:
