Հայաստանի վարչապետ Նիկոլ Փաշինյանը հրավիրվել է տարեվերջին Սանկտ Պետերբուրգում կայանալիք ԱՊՀ ոչ պաշտոնական գագաթնաժողովին, սակայն նրա մասնակցությունը դեռ հաստատված չէ, ասել է ՌԴ նախագահի մամուլի քարտուղար Դմիտրի Պեսկովը:

«Դեռ չգիտենք, բոլորը հրավիրված են»,- պատասխանել է նա հարցին, թե Փաշինյանին սպասու՞մ են Սանկտ Պետերբուրգում ԱՊՀ գագաթնաժողովին։

«Հայկական կողմը լավ գիտի, որ դա ավանդական ձևաչափ է, մենք, իհարկե, Սանկտ Պետերբուրգում կսպասենք նրան»,- հավելել է Պեսկովը։ Նրան հարցրել են, թե նախատեսվո՞ւմ է արդյոք Պուտինի ու Փաշինյանի հեռախոսազրույցը մեկ այլ՝ ՀԱՊԿ-ի գագաթնաժողովից առաջ։

«Դեռ ոչ։ Բայց գագաթնաժողովը դեռ չի կայացել։ Որքան գիտեմ, Փաշինյանը Մինսկ չի մեկնի։ Այնուամենայնիվ, հայկական կողմը ներկայացված կլինի ինչ-որ մակարդակով», - ասել է ՌԴ նախագահի մամուլի քարտուղարը։

ՌԴ նախագահ Վլադիմիր Պուտինի և ՀՀ վարչապետ Նիկոլ Փաշինյանի շփման պլաններ չկան, այս մասին հայտարարել է ՌԴ նախագահի մամուլի խոսնակ Դմիտրի Պեսկովը։

«Բայց եթե Հայաստանի վարչապետը գա Սանկտ Պետերբուրգ ԱՊՀ հանդիպմանը, խոսելու հնարավորություն կլինի»,- ասել է նա։ Ավելի վաղ մամուլում տեղեկություններ էին հայտնվել, որ Հայաստանի վարչապետը պատրաստվում է հեռախոսազրույց ունենալ ՌԴ նախագահի հետ։ Լրագրողները հետաքրքրվել են՝ արդյոք Պուտինի գրաֆիկում նման բան կա՞։ «Այս պահին ոչ»,- պատասխանել է Պեսկովը։