Հոկտեմբերի 29-ից 31-ը «Կարեն Դեմիրճյանի անվան Մարզահամերգային համալիրում կանցկացվի ամենամյա DIGITEC2021 տեխնոլոգիական ցուցահանդեսը։
Այս տարի DIGITEC2021 տեխնոլոգիական ցուցահանդեսին մասնակցում են ավելի քան 100 ընկերություններ։
DIGITEC2021-ի շրջանակներում, բացի ցուցահանդեսից, առաջին անգամ կանցկացվի DIGITEC SUMMIT միջազգային համաժողովը՝ արտասահմանյան և տեղական ներկայացուցիչների մասնակցությամբ։ Համաժողովի հիմնական նպատակը՝ պանելային քննարկումների միջոցով ներկայիս տեխնոլոգիաների դերի վերհանումն է ճգնաժամային իրավիճակում և դրանց ադապտացման մեխանիզմերի քննարկումը՝ անընդհատ փոփոխվող աշխարհի մարտահրավերներին ընդառաջ։
Առաջին անգամ Հայաստանում նաև կիրականացվի DigiWeek 2021 միջոցառումը, որի շրջանակներում ամբողջ աշխարհից մեկ տեղում կհավաքվեն տեխնոլոգիական ոլորտի առաջատար մասնագետներ և քաղաքականություն մշակողներ՝ քննարկելու տեխնոլոգիաների բնագավառում ներդրումների ու առաջխաղացման հնարավորությունները։
Տեխնոլոգիական ոլորտի միջոցառումների շարքը տեղի կունենա հագեցած օրակարգով՝
- Նոյեմբերի 1 – Science and Sustainability Summit
- Նոյեմբերի 2 – Artificial Intelligence Summit
- Նոյեմբերի 3 – Venture Summit