«Խնդիրը կա, և խնդիրը հետևյալն է, որ՝ այո, նույն բեռներով բեռնված բեռնատարների մի մասն անցնում է, մի մասը՝ ոչ»:
Այս մասին այսօր լրագրողների հետ զրույցում ասաց տարածքային կառավարման և ենթակառուցվածքների նախարար Գնել Սանոսյանը՝ անդրադառնալով Լարսի անցակետի փակ լինելուն և որոշ բեռնատարների հետ վերադառնալուն:
«Գործընկերները որոշակի բեռի ուսումնասիրություն են անում և որոշակի խնդիրներ տեսնում: Այս խնդիրն Էկոնոմիկայի նախարարության և համապատասխան տեսչական մարմինների տիրույթում է»,- նշեց Սանոսյանը:
Հարցին՝ արդյոք քաղաքական ենթատեքստ չկա՞, օրինակ՝ ՀԱՊԿ միջոցառումներին չմասնակցելը, նա պատասխանեց. «Սահմանի վրա տեսչական մարմինը տվյալ ապրանքների հետ կապված որոշակի մասնագիտական տեսչական խնդիրներ է տեսել, մեր համապատասխան մարմիններն էլ այդ գործընկերների ու տնտեսվարողների հետ աշխատում են»:
