Երևանի քաղաքապետ Հայկ Մարությանը շնորհավորական ուղերձ է հղել Արցախի Հանրապետության մայրաքաղաք Ստեփանակերտի օրվա առիթով: Ստորև ներկայացնում ենք Երևանի քաղաքապետի ուղերձը.
«Այսօր Ստեփանակերտի օրն է։ Քաղաքապետ Դավիթ Սարգսյանին երեւանցիների ու իմ անունից շնորհավորական ուղերձ եմ հղել Արցախի Հանրապետության մայրաքաղաքի տոնի կապակցությամբ։ Համոզված եմ, որ հայոց երկու մայրաքաղաքների միջև համագործակցությունը կկրի շարունակական բնույթ և կնպաստի ձևավորված բարեկամական և գործնական սերտ կապերի խորացմանը՝ ներառելով նոր ուղղություններ: Խաղաղություն մեզ, եւ Աստված պահապան»։