Հայաստանում Ուկրաինայի դեսպանությունը կարևոր տեղեկատվություն է հրապարակել ուկրաինացիների համար, որոնք ժամանել են Հայաստանի Հանրապետություն Ուկրաինայի պատերազմի պատճառով և փնտրում են բնակվելու վայր։

Միաժամանակ տեղեկատվությունն օգտակար է Հայաստանի Հանրապետության այն քաղաքացիների համար, որոնք հնարավորություն ունեն օգնելու Ուկրաինայից եկած մարդկանց անվճար տեղավորելու իրենց տներում։

Դեսպանատունը տեղեկացնում է, որ գործում է «Ապաստարան» պաշտոնական կայքը՝ https://prykhystok.in.ua/

«Այս կայքում դուք կարող եք տեղեկատվություն տեղադրել բնակավայրերի, թափուր աշխատատեղերի քանակի և կոնտակտների մասին, որտեղ կարող եք առաջարկել կամ գտնել անվճար բնակարան:

Դա հարմար և ապացուցված ծառայություն է, որն օգնում է համակարգել նրանց ջանքերը, ովքեր օգնություն են փնտրում և ովքեր կարող են այն տրամադրել:

Հորդորում ենք ՀՀ քաղաքացիներին օգտվել «Ապաստարան» կայքից, եթե ցանկանում եք օգնել կանանց և երեխաներին գտնել ապաստարան, ովքեր հարկադրված են եղել գալ մեր երկիր՝ փախչելով պատերազմից»,- ասված է դեսպանատան տարածած հաղորդագրության մեջ։