ՀՀ բարձր տեխնոլոգիական արդյունաբերության նախարար Վահագն Խաչատուրյանը նոյեմբերի 1-ին ընդունել է Հայաստանի Հանրապետությունում Ֆինլանդիայի Հանրապետության արտակարգ և լիազոր դեսպան Կիրստի Նարինենին:
![May be an image of 3 մարդ, people sitting և people standing-ը](https://scontent.fevn2-1.fna.fbcdn.net/v/t39.30808-6/252310846_4335478796577744_7433065316858569005_n.jpg?_nc_cat=105&ccb=1-5&_nc_sid=730e14&_nc_ohc=H8uETeN9hJsAX9uwUKv&_nc_ht=scontent.fevn2-1.fna&oh=8e7a8e63fc358561c373fda05d8a5276&oe=6186BBE1)
Ողջունելով դեսպանին՝ Վահագն Խաչատուրյանը ներկայացրել է բարձր տեխնոլոգիական արդյունաբերության ոլորտում ՀՀ Կառավարության առաջնահերթությունները, նախարարության գործունեության հիմնական ուղղություններն ու իրականացվող ծրագրերը: Հաշվի առնելով Ֆինլանդիայի հարուստ փորձը տեղեկատվական տեխնոլոգիաների, հեռահաղորդակցության և կապի ապահովման բնագավառներում՝ նախարարը կարևորել է Ֆինլանդիայի հետ համագործակցությունը ոլորտային մի շարք ուղղություններով:
![May be an image of 1 հոգի և sitting-ը](https://scontent.fevn2-1.fna.fbcdn.net/v/t39.30808-6/252372584_4335479009911056_322303050650726481_n.jpg?_nc_cat=110&ccb=1-5&_nc_sid=730e14&_nc_ohc=xF5TMC1WDowAX822jLV&_nc_ht=scontent.fevn2-1.fna&oh=86abc831581c1d7020b13fd97d9bcc45&oe=61862853)
Դեսպան Կիրստի Նարինենը շնորհակալություն է հայտնել ընդունելության համար և նշել, որ ներկայումս գործողությունների պլան է մշակվում, որպեսզի հստակեցվի այն կոնկրետ ոլորտները, որոնցում հայ-ֆինլանդական համագործակցությունը կարող է հաջողել և փոխշահավետ լինել: Դեսպանը ողջունել է այն փաստը, որ Հայաստանում կանանց ներգրավվածությունը ՏՀՏ ոլորտում բավական մեծ տոկոս է կազմում՝ լինելով բարձր համաշխարհային միջին ցուցանիշից։ Սա լավ արդյունք է Հայաստանը նորարար աշխարհին նորովի ներկայացնելու:
![May be an image of 1 հոգի, sitting և ներսումը](https://scontent.fevn2-1.fna.fbcdn.net/v/t39.30808-6/252694783_4335478616577762_5617763722023371605_n.jpg?_nc_cat=102&ccb=1-5&_nc_sid=730e14&_nc_ohc=vMls-uVbpWMAX9rpknF&tn=5R1npKaw8EfMfpLe&_nc_ht=scontent.fevn2-1.fna&oh=028e4b34517318ae00b406c5bbbcff39&oe=61855DA0)
Կիրստի Նարինենը նշել է, որ համագործակցության կարևոր հարթակ կարող է հանդիսանալ նաև ՄԱԿ-ի «Հավասարության սերունդ» ֆորումի շրջանակներում ձևավորված «Տեխնոլոգիաներ և նորարարություն» թեմատիկ դաշինքը, որի աշխատանքներն ուղղորդվելու են որպես առաջնորդ ընտրված երեք երկրների՝ Հայաստանի, Ֆինլանդիայի և Թունիսի կողմից։
Փոխճանաչելիությունը բարձրացնելու նպատակով կողմերը քննարկել են Հայաստանում և Ֆինլանդիայում անցկացվող ցուցահանդեսներին և համաժողովներին երկու երկրների ոլորտային ընկերությունների մասնակցության հնարավորությունները:
Պայմանավորվածություն է ձեռք բերվել համագործակցել բարձր տեխնոլոգիաների, կիբեռանվտանգության, թվայնացման, ինչպես նաև տեխնոլոգիական կրթության ոլորտներում երկուստեք իրականացված հաջող ծրագրերի փոխանակման և համատեղ նախագծերի իրականացման ուղղությամբ: