ՀՀ քննչական կոմիտեի նախագահ Արգիշտի Քյարամյանը մանրամասներ է հայտնել Գեղարքունիքի մարզում տեղի ունեցած հրդեհի գործով։
Նրա խոսքով, բոլոր հարցաքննված վկաներն ուղիղ վկայել են այն մասին, որ բենզինով վառարանը վառելու վարկածը հիմնավորվում է. «Երկու օր առաջ օրապահը, ով անմիջականորեն ականատես է եղել դեպքին, ցուցմունք է տվել և հիմնավորել այդ վարկածը»,- ասել է Արգիշտի Քյարամյանը՝ հավելելով, թե այլ բաներ փնտրելու ակնկալիքներն ազնիվ չեն։
ՀՀ վարչապետ Նիկոլ Փաշինյանն էլ արձագանքել է՝ նշելով, որ այնտեղ օգտագործվել է բենզին, որն օգտագործվել է բուլդոզերների համար. «Ասվել է, որ բենզինն օգտագործվել է «բուլդոզերների» համար: Հետո հարց է ծագել՝ «բուլդոզերները» աշխատում են դիզվառելիքով, բենզինն ինչ գործ ունի: Հետո պարզվել է՝ բենզինն օգտագործվել է «բուլդոզերը» գործարկելու համար»,- ասել է նա:
