Այսօր Նավալնիի հուղարկավորությունն է. ոստիկանները խիստ հսկողություն են սահմանել
▲ Դեպի վեր
  • Երեվան 11°C
    47%
    9 կմ/ժ
  • Շիրակ 2°C
    75%
    2 կմ/ժ
  • Լոռի 9°C
    62%
    5 կմ/ժ
  • Տավուշ 10°C
    66%
    6 կմ/ժ
  • Արարատ 12°C
    43%
    6 կմ/ժ
  • Սյունիք 13°C
    77%
    8 կմ/ժ
  • Արմավիր 12°C
    47%
    9 կմ/ժ
  • Գեղարքունիք 5°C
    67%
    5 կմ/ժ
  • Արագածոտն 10°C
    47%
    9 կմ/ժ
  • Կոտայք 8°C
    38%
    9 կմ/ժ
  • Արցախ 12°C
    78%
    7 կմ/ժ
:
  • Եվրո = 387.1006
  • Ռուբլի = 4.20334
  • Դոլար = 391.455

Այսօր Նավալնիի հուղարկավորությունն է. ոստիկանները խիստ հսկողություն են սահմանել

Այսօր Նավալնիի հուղարկավորությունն է. ոստիկանները խիստ հսկողություն են սահմանել

Մոսկվայում ոստիկանները խիստ հսկողություն են սահմանել Բորիսովյան գերեզմանատան և Մարյինո թաղամասում գտնվող Աստվածածնի եկեղեցու շուրջ: Այսօր եկեղեցում տեղի կունենա բանտում վախճանված Ալեքսեյ Նավալնիի հրաժեշտի արարողությունը, որից հետո ընդդիմադիր առաջնորդի դին հողին կհանձնեն Բորիսովյան գերեզմանատանը:

Վաղ առավոտից եկեղեցու մոտ արդեն կուտակվել են ոստիկանական տասնյակ տրանսպորտային միջոցներ՝ պարեկային փոքր մեքենաներից մինչև ավտոբուսներ, որոնցով սովորաբար փոխադրում են զանգվածային արգելված ակցիաների մասնակիցներին: Ճանապարհի երկայնքով մետաղյա ցանկապատեր են տեղադրված, հերթապահում են ՕՄՕՆ-ի՝ ոստիկանության հատուկ նշանակության ջոկատները, գերեզմանատան մոտ գտնվող այգում ձիավոր ոստիկաններ կան։

Մետրոյի «Մարյինո» կայարանից Բորիսովյան գերեզմանատուն տանող ճանապարհին պարիսպներ են: Ոստիկանները ստուգում են անցորդների փաստաթղթերն ու անձնական իրերը։ Եկեղեցու հարակից տարածքում առաջացել են ինտերնետի հետ կապված խնդիրներ: Ավելի վաղ The Insider կայքը հայտնել է, որ այնտեղ կայանված է գաղտնի ծառայությունների աշխատակիցների կապն ապահովող ալեհավաքով մեքենա։ Թղթակցի հարցին, թե «ի՞նչ ազդանշաններ կարող է խլացնել այդ ալեհավաքը», սարքը միացնողը պատասխանել է` «դա ձեզնից է կախված»:

Իշխանությունները Նավալնիի դին մորը՝ Լյուդմիլա Նավալնայային են հանձնել միայն փետրվարի 24-ին։ Ալեքսեյ Նավալնին մահացել է փետրվարի 16-ին Յամալ-Նենեցյան ինքնավար մարզի Խարպ գյուղի մոտ գտնվող հատուկ ռեժիմի «Բևեռային գայլ» բանտում: Իրավապահները պնդում են, թե Նավալնին մահացել է բնական մահով՝ թրոմբի անջատման հետևանքով: Մահվանից օրեր առաջ Նավալնիին 27-րդ անգամ ուղարկել էին պատժախուց: Նավալնիի աջակիցները համոզված են, որ ընդդիմության լիդերին կա՛մ սպանել են, կա՛մ միտումնավոր հասցրել են մահվան: Նրա այրին՝ Յուլիա Նավալնայան հայտարարել է, որ շարունակելու է ամուսնու առաքելությունը:

Թեմայի այլ նորություններ