Ուկրաինական ճգնաժամն իր ուղղակի ազդեցությունն է թողնելու Հայաստանի ու Արցախի վրա։ Ազգային ժողովի նիստի ժամանակ այս մասին ասաց «Հայաստան» խմբակցության պատգմավոր Անդրանիկ Թևանյանը։
«Շատ ճակատագրական հարցեր են որոշվում և մենք, որպես երկու անգամ խոշորամասշտաբ պատերազմով անցած ժողովուրդ, ցանկանում ենք, որ հարցը շատ արագ կարգավորում ստանա բանակցությունների սեղանի շուրջ ու հատկապես ցանկանում ենք խաղաղություն, քանի որ եղբայր ժողովուրդներ են միմյանց դեմ դուրս եկել»,-ասաց Թևանյանը։
Պատգամավորը անհրաժեշտ է համարում ամեն ինչ անել, որպեսզի նոր ձևավորվող աշխարհակարգում Հայաստանն ու Արցախը պահպանեն իրենց սուբյեկտայնությունն ու ստանան զարգացման հնարավորություններ։ Իսկ որ նոր աշխարհակարգ է ձևավորվում, ըստ պատգամավորի, ակնհայտ է։