ԱՄՆ դեսպանությունն իր հայաստանյան գործընկերների հետ օգնում է երիտասարդներին կատարել ճիշտ մասնագիտության ընտրություն ու զարգացնել այնպիսի գիտելիքներ ու հմտություններ, որոնք պահանջարկ են վայելում աշխատաշուկայում։
ԱՄՆ շրջանավարտների դրամաշնորհային ծրագրի շրջանակում և «Զրույցներ կարիերայի և բիզնեսի մասին» նախաձեռնության միջոցով ուրախ ենք աջակցել հայ երիտասարդներին։ Նշյալ նախաձեռնությունը մշակել ու իրականացնում է «Միջազգային առաջնորդ-այցելուներ» ծրագրի շրջանավարտ Հայկուհի Գևորգյանը CareerLab –ի թիմի հետ համագործակցությամբ։
Մայիսին կազմակերպած հնգօրյա միջոցառման ընթացքում Իջևանի, Վանաձորի, Գյումրու և Երևանի երիտասարդները հնարավորություն ունեցան մասնակցել դասընթացների և վարպետության դասերի, լսել զրույցներ կարիերայի ու բիզնեսի վերաբերյալ։