Նազարբեկյան թաղամասում կառուցվող ճեմուղին հանգստի և ժամանցի յուրօրինակ վայր կդառնա բնակիչների համար։ Թաղամասի չխնամված, ոչ բարեկարգ կանաչ գոտին այժմ բոլորվին այլ տեսք ունի․ իականացվել են տարածքի բարեկարգման, սալիկապատման, եզրաքարերի տեղադրման, թեքահարթակների կառուցման, ոռոգման ջրագծի անցկացման աշխատանքներ։ Մեկնարկել են նաև լուսավորության ցանցի վերակառուցման աշխատանքները։ Երեկոյան ժամերին ճեմուղին կլուսավորվի ժամանակակից, գերխնայող լեդ լուսատուներով։ Ողջ երկայնքով կտեղադրվեն նաև նոր նստարաններ ու աղբամաններ։

Աջանյակ վարչական շրջանի ղեկավարի տեղակալներ Գևորգ Բադեյանը, Կարեն Մկրտչյանը և կոմունալ տնտեսության և բազմաբնակարան շենքերի կառավարման մարմինների հետ աշխատանքների կազմակերպման բաժնի պետ Ռոման Ալոյանը թաղամաս կատարած շրջայցի ժամանակ հետևել են ճեմուղու կառուցման աշխատանքների ընթացքին և տվել համապատասխան հանձնարարականներ։