ՏԿԵՆ Հայաստանի տարածքային զարգացման հիմնադրամի միջոցով իրականացվող Համայնքային ենթակառուցվածքների ծրագիրն ակտիվ ընթացքի մեջ է։ Նպատակն է բարելավել համայնքների ջրամատակարարման և ջրահեռացման համակարգերը, ինչը ենթադրում է հնամաշ խողովակաշարերի փոխարինում, ջրընդունիչների, օրվա կարգավորիչ ջրամբարների և պոմպակայանների վերակառուցում, ջրաչափերի տեղադրում, շուրջօրյա ջրամատակարարման ապահովում և այլն։ Այս մասին Ֆեյսբուքի իր էջում գրել է Տարածքային կառավարման և ենթակառուցվածքների նախարարի պաշտոնակատար Սուրեն Պապիկյանը։
Շահառու են ՀՀ 6 մարզեր (Սյունիք, Վայոց ձոր, Գեղարքունիք, Շիրակ, Լոռի, Արմավիր)։ Ընդհանուր առմամբ ծրագրի շրջանակում խմելու ջուր կհասնի Հայաստանի 11 քաղաքային և 37 գյուղական բնակավայր։
![](https://www.1lurer.am/attachments/images/217622360_1599947843547411_6805841776969912340_n.jpg)
Շահառու բնակիչների թիվը գերազանցում է 100 000-ը։
Այս փուլում հատկապես ակտիվ աշխատանքներ են տարվում Գյումրի, Հայկավան, Բայանդուր, Վանաձոր, Լեռնապատ և Գուգարք բնակավայրերում։
![](https://www.1lurer.am/attachments/images/218253443_1599947690214093_51981048711101758_n.jpg)
Ծրագիրը ֆինանսավորվում է ՀՀ կառավարության, Գերմանիայի KFW Բանկի, Եվրոպական ներդրումային բանկի և Եվրամիություն /ՀՆԾ/ կողմից։
![](https://www.1lurer.am/attachments/images/218346149_1599947693547426_505939034184185027_n.jpg)
Ընդհանուր ներդրումը կազմում է 81,0 միլիոն եվրո։