Հայաստանի 2018-ի ամենակարևոր ձեռքբերումը հենց ազատ ընտրությունների ազատ անցկացումն էր. Վահագն Խաչատուրյան
▲ Դեպի վեր
  • Երեվան 15°C
    55%
    9 կմ/ժ
  • Շիրակ 10°C
    66%
    13 կմ/ժ
  • Լոռի 8°C
    92%
    6 կմ/ժ
  • Տավուշ 9°C
    93%
    2 կմ/ժ
  • Արարատ 16°C
    61%
    5 կմ/ժ
  • Սյունիք 12°C
    93%
    2 կմ/ժ
  • Արմավիր 16°C
    55%
    9 կմ/ժ
  • Գեղարքունիք 5°C
    95%
    7 կմ/ժ
  • Արագածոտն 14°C
    55%
    9 կմ/ժ
  • Կոտայք 12°C
    67%
    12 կմ/ժ
  • Արցախ 11°C
    89%
    3 կմ/ժ
:
  • Եվրո = 391.3008
  • Ռուբլի = 4.27523
  • Դոլար = 387.973

Հայաստանի 2018-ի ամենակարևոր ձեռքբերումը հենց ազատ ընտրությունների ազատ անցկացումն էր. Վահագն Խաչատուրյան

Հայաստանի 2018-ի ամենակարևոր ձեռքբերումը հենց ազատ ընտրությունների ազատ անցկացումն էր. Վահագն Խաչատուրյան

ՀՀ նախագահ Վահագն Խաչատուրյանը Երևանի ավագանու ընտրություններին քվեարկություն է կատարել 7/46 ընտրատեղամասում, այնուհետև պատասխանել է լրագրողների հարցերին:

Նախագահի խոսքով՝ ինքը քվեարկել է հանուն բարեկեցիկ, գեղեցիկ, հարմարավետ Երևանի:

«Վստահ եմ, որ մենք հենց այս ընտրությունների հնարավորությամբ կարող ենք հասնել նրան, ինչին ձգտում ենք, և այսօր այդ հնարավորությունը կա՝ մասնակցել, ազատ ընտրություն կատարել: Փառք Աստծո, թեկնածուները շատ են»,- ասաց նա:

Խաչատուրյանը նկատեց՝ բոլորս էլ ցանկանում ենք տեսնել այն Երևանը, որ բոլորիս երազանքի մեջ կա:

«Դրա մեջ ամեն ինչ մտնում է՝ և՛ քաղաքաշինություն, և՛ անվտանգություն, և՛ ճարտարապետություն, հարմարավետություն և գեղեցկություն: Ուզում ենք ապրել այնպիսի մի քաղաքում, որն իր ամեն ինչով, ենթակառուցվածքներով ժամանակակից քաղաքի ստանդարտների մեջ է մտնում, որը շատ դժվար է անելը, որովհետև յուրահատուկ վերաբերմունք է պահանջում»,- ասաց նա:

Լրագրողներից մեկի հարցին՝ ինչո՞վ են այս ընտրությունները տարբերվում Երևանի քաղաքապետի այլ ընտրություններից, Վահագն Խաչատուրյանը պատասխանեց․ «Գիտեք, գաղտնիք չէ, շատ ավելի քաղաքականացված, շատ ավելի սրված՝ հաշվի առնելով նաև արտաքին միջավայրը: Երևի դա, իհարկե, մի հանգամանք էլ կա, որ ինչ-որ ձևով ստվերում է, որ մենք՝ քաղաքացիներս, ուշադրությունը հենց քաղաքային խնդիրներին դարձնենք: Ես կուզեի, որ մենք իրապես ավելի խաղաղ, հանգիստ միջավայրում ընտրություններ անցկացնեինք և դրանով տեղական ընտրությունները տարբերեինք համապետական ընտրությունից:

Բայց նաև քանի որ մեզ մոտ ընտրական համակարգն այնպիսին է, որ համայնքային ընտրությունը քաղաքական ընտրություն է արդեն դարձել, տարբերությունը երևի դա է»:

Հարցին՝ արդյոք նախագահը որևէ խախտում ֆիքսե՞լ է այս քարոզարշավի ընթացքում, Խաչատուրյանը տվեց բացասական պատասխան:

«Ընդհակառակը՝ ես հեռուստացույցով 1-2 մեծ հաղորդում եմ նայել, որոնց մասնակցում էին ցուցակի առաջին դեմքերը կամ նրանց փոխարինողները: Զարմանալի էր, որ կարողանում էին այդ քննարկումները 2 ժամից ավելի այդպես կազմակերպել: Նախկինում դրանք սովորաբար վերածվում էին անկազմակերպ մի բանավեճի, և մարդիկ չէին կարողանում նույնիսկ մտքեր արտահայտել: Բայց այդ առումով մեզ հնարավորություն տրվեց գնահատել, թե ով ինչի է ընդունակ, որ թեկնածուն կամ նրա թիմը ինչ է պատրաստ անել: Այդ առումով ես համարում եմ նույնիսկ ավելի հաջողված»,- հավելեց նախագահը՝ ընդգծելով, որ անհնագստություն չունի, թե ընտրությունը կարող է ընթանալ ոչ թափանցիկ։

«Ես անհանգստություն չունեմ և չի էլ կարող այդպիսի բան լինել: Ի վերջո, ՀՀ 2018 թվականի ձեռքբերումներից ամենակարևոր ձեռքբերումը հենց ազատ ընտրությունների ազատ անցկացումն էր: Նահանջ չկա»,- ընդգծեց ՀՀ նախագահը:

Հայաստանի Հանրապետության նախագահ Վահագն Խաչատուրյանը լրագրողների հետ զրույցում անդրադարձավ նաև մեղադրանքներին, թե իշխանությունները Արցախի հարցում նահանջել են՝ իջեցնելով նշաձողը:

«Ոչ, ընդհակառակը: Կարծում եմ՝ ընդհակառակը՝ կա ճշմարտությունն ասելու և ճշմարտությունը լսելու պատրաստակամության խնդիր: Մենք հասել ենք այն հանգրվանին, որ իրականում պետք է կարողանանք ԼՂ-ում ապրող մեր հայրենակիցների անվտանգության հարցը լուծել: Որևէ մեկնաբանություն, որն ուղղված է նրան, թե իշխանությունը մոռացել է, դրանով չի զբաղվում, իրականության հետ ընդհանրապես կապ չունի: Մեր ժամանակի մեծ մասը նվիրված է հենց դրան: Շատ բարդ բանակցային գործընթաց է ընթանում, շատ բարդ իրավիճակ է, խնդրում եմ դա էլ հաշվի առնել։ Որևէ մեկի մտքով թող չանցնի, որ այդպիսի տրամադրություններ կան իշխանությունում: Չի եղել և չի էլ կարող լինել»,- ասաց նախագահը:

Ինչ վերաբերում է խաղաղության հնարավոր պայմանագրի կնքման հարցում առաջացած տարաձայնություններին, նախագահը նկատեց՝ դրանք հիմնական հարցի շուրջ են՝ վերաբերում են հենց Լեռնային Ղարաբաղին:

Խաչատուրյանը չցանկացավ փակագծեր բացել՝ գործընթացին չվնասելու համար, քանի որ ադրբեջանական կողմը հաճախ է հղում անում հայկական կողմի պաշտոնյաների հայտարարություններին:

«Մեր ձգտումն է հնարավորինս շուտ խաղաղության համաձայնագրի ստորագրումը»,- ասաց նախագահը:

Նրա խոսքով՝ դա թույլ կտա ունենալ վստահելի միջավայր, որտեղ վաղվա հետ կապված որևէ խնդիր չենք ունենա:

Ամեն անգամ ոչ միայն զորք կուտակելով, այլև հարձակումներ իրագործելով մեր դիրքերի վրա՝ փորձ է արվում մեզ ինչ-որ բաներ պարտադրել: Այդ մասին հայտարարեց ԱԺ նախագահ Ալեն Սիմոնյանը՝ պատասխանելով հարցին, թե արդյոք Ադրբեջանի վարքագիծը՝ սահմանին զինտեխնիկա կուտակելու, կարո՞ղ է որևէ ազդեցություն ունենալ Հայաստան-Ադրբեջան բանակցությունների վրա:

«Ամեն անգամ փորձ է կատարվում, ոչ միայն զորք կուտակելով, նաև հարձակումներ իրագործելով մեր դիրքերի վրա, մեր սահմանների վրա, մեր տարածք ներխուժելով, փորձ է արվում մեզ ինչ-որ բաներ պարտադրել: Եվ դրա մասին ուղղակի բաց խոսվում է, հարևան երկրի ղեկավարը դրա մասին բարձր խոսում է՝ ասելով մեսիջ, փաստացի ընդունելով, որ նման անօրինական գործողություններ է իրականացնում:

Բայց ես պետք է ասեմ՝ քանի դեռ Հայաստանի Հանրապետության ժողովուրդը կանգնած է իշխանության մեջքին, մենք պինդ ենք բանակցային գործընթացների մեջ»,- ասաց Ալեն Սիմոնյանը:

Հիշեցնենք՝ ՀՀ վարչապետ Նիկոլ Փաշինյանն ընտրական պարտքը կատարելուց հետո՝ լրագրողների հետ ճեպազրույցի ժամանակ, հայտարարել էր, որ սահմանային իրադրության մասով իր վերջին գնահատականի փոփոխություն չկա, այն է՝ Ադրբեջանը շարունակում է իր զորքերի տեղաշարժը, իսկ իրադրությունը Հայաստան-Ադրբեջան սահմանի և ԼՂ շփման գծի երկայնքով շարունակում է մնալ լարված:

Թեմայի այլ նորություններ