ԱՄՆ փոխնախագահ Քամալա Հարիսը 2%-ով առաջ է անցնում Հանրապետական կուսակցության թեկնածու Դոնալդ Թրամփից, ըստ Reuters/Ipsos-ի հարցման: Նրան աջակցել է հարցվածների 44%-ը, պարոն Թրամփը՝ 42%-ը։ Հարցումն անցկացվել է հուլիսի 22-23-ը, այն բանից հետո, երբ ԱՄՆ ներկայիս նախագահ Ջո Բայդենը հայտարարել է նախագահական մրցապայքարից դուրս գալու և Կամալա Հարիսի թեկնածությունը պաշտպանելու մասին։ Հարցման մասնակիցների մոտ 56%-ը համաձայնել է այն պնդմանը, որ 59-ամյա Կամալա Հարիսը «սուր միտք ունի և կարողանում է հաղթահարել դժվարությունները», մինչդեռ 78-ամյա Դոնալդ Թրամփի մասին նման կարծիք է հայտնել հարցվածների 49%-ը։
Հարցված դեմոկրատ ընտրողների 91%-ը դրական է վերաբերվում տիկին Հարիսին: Հարցման մասնակիցների երեք քառորդը համաձայնել է, որ դեմոկրատները պետք է պաշտպանեն նրա թեկնածությունը։ Հարցվածների մեկ քառորդը կարծում է, որ առաջադրվելու համար պետք է պայքարեն մի քանի թեկնածուներ։