Իտալիայի Պատգամավորների պալատի անդամ, Իտալիա-Հայաստան բարեկամական խմբի նախագահ Մասիմիլիանո Կապիտանիոն խստորեն դատապարտում է Ադրբեջանի ագրեսիան։
Այս մասին հայտնում են Իտալիայում ՀՀ դեսպանությունից։
«Որպես Իտալիա-Հայաստան խորհրդարանական բարեկամական խմբի նախագահ՝ միայն ցավով ու սարսափով կարող եմ հետևել այս դրամատիկ դրվագներին։ Ես անհամբեր սպասում եմ ռմբակոծության ավարտին և պատերազմի կիրառման միջազգային դատապարտմանը։ Այս առավոտ Լեռնային Ղարաբաղի (Արցախի Հանրապետություն) շփման գծի ողջ երկայնքով ադրբեջանական կողմը հրետակոծություն է սկսել՝ թիրախավորելով նաև խաղաղ բնակավայրերը, այդ թվում՝ մայրաքաղաք Ստեփանակերտը։ Խստորեն դատապարտում եմ Ադրբեջանի ագրեսիան։ Դադարեցրեք կրակել»,- նշել է Կապիտանոն։
Արցախի հետ շփման գծի ողջ երկայնքով սեպտեմբերի 27-ի վաղ առավոտյան Ադրբեջանն ակտիվ հրետակոծություն է սկսել: Հրետակոծվում են նաև խաղաղ բնակավայրերը, այդ թվում մայրաքաղաք Ստեփանակերտը։
Ադրբեջանական զինուժը կորցրել է 4 ուղղաթիռ, 15 ԱԹՍ, 10 տանկ և հետևակի մարտական մեքենա։ կորուստներ: Ադրբեջանի հարձակման հետևանքով Մարտունու շրջանում մեկ կին և մեկ երեխա են զոհվել: Քաղաքացիական անձանց շրջանում կան տասնյակ վիրավորներ տարբեր աստիճանի մարմնական վնասվածքներով։ Հակառակորդը հրետակոծել է նաև դպրոցներ, ներառյալ Ստեփանակերտում։
Հայաստանի Հանրապետությունում հայտարարվում է ռազմական դրություն և ընդհանուր զորահավաք։
