Հայաստանում հոկտեմբերի 10-ի ժամը 11:00-ի դրությամբ հաստատվել է կորոնավիրուսային հիվանդության ընդհանուր 272 356 դեպք, որոնցից 248 267-ն` առողջացման 5 549-ը` մահվան ելքով: Կորոնավիրուսային հիվանդությունից փաստացի բուժում է ստանում 17 313 պացիենտ: Ընդհանուր առմամբ, կատարվել է 1 805 317 թեստավորում։
Ինչպես տեղեկացրին ՀՀ առողջապահության նախարարությունից, հոկտեմբերի 9-ին կատարվել է 7801 թեստավորում, որից հաստատվել է կորոնավիրուսային հիվանդության 1151 նոր դեպք: 714 պացիենտ առողջացել է, 20-ը՝ մահացել։
Արցախում հոկտեմբերի 9-ին կատարվել է 94 թեստավորում, որոնց արդյունքում կորոնավիրուսային հիվանդության 20 դեպք է գրանցվել:
Ինչպես տեղեկացրին Արցախի առողջապահության նախարարությունից, կորոնավիրուսային հիվանդությունից այս պահին ստացիոնար բուժում է ստանում 40 վարակակիր: Բժիշկները 6 հիվանդի առողջական վիճակը գնահատում են ծանր, իսկ թեթև ձևերը բուժում են ստանում ամբուլատոր պայմաններում:
Արցախում 2021 թվականի ընթացքում կորոնավիրուսի լաբորատոր հայտնաբերման նպատակով իրականացվել է 13811 քաղաքացու հետազոտություն, որից 1230-ի մոտ արձանագրվել է դրական թեստի պատասխան։