ՌԴ վարչապետ Միխայիլ Միշուստինն այսօր Երեւանում ընթացող ԵԱՏՄ միջկառավարական խորհրդի նիստի ընթացքում իր ցավակցությունն է հայտնել Լեռնային Ղարաբաղում այս օրերին բոլոր զոհերի հարազատներին եւ մտերիմներին:
«Մենք սգում ենք բոլոր նրանց հետ, ովքեր կորցրել են իրենց հարազատներին այս հակամարտության ընթացքում: Եվ իհարկե, կարեւոր է ապահովել բոլոր ռազմական գործողությունների անհապաղ դադարեցումը եւ անցնել դիվանագիտական ճանապարհով հակամարտության կարգավորմանը: Ռուսաստանը պատրաստ է դրան նպաստել՝ ԵԱՀԿ Մինսկի խմբի մյուս համանախագահների հետ»,- ասել է Միշուստինը: