Oրակարգում ռազմական գործողության դադարեցման,դիակների, գերիների փոխանակման հարցն է:
Հայաստանն ու Ադրբեջանը հաստատել են իրենց արտաքին գործերի նախարարների մասնակցությունն այսօր Մոսկվայում կայանալիք խոհրդակցություններին: Հանդիպման ժամի մասին տեղեկություններ առայժմ չկան, սակայն հանդիպումն այսօր է: ԱԳ նախարարները մեկնում են Մոսկվա: Oրակարգում բացառապես ռազմական գործողությունների դադարեցման, հումանիտար նպատակներով դիակների և գերիների փոխանակման հարցերն են:
Հիշեցնենք, Ռուսաստանի Դաշնության նախագահ Վլադիմիր Պուտինը հոկտեմբերի 8-ին կոչ է արել հումանիտար նկատառումներով դադարեցնել Լեռնային Ղարաբաղի հակամարտության գոտում ընթացող ռազմական գործողությունները: Կրեմլը տեղեկացրել էր՝ ՌԴ Արտգործնախարարի միջնորդությամբ այս թեմայով խորհրդակցություններ անցկացնելու համար հոկտեմբերի 9-ին Մոսկվա են հրավիրվել Հայաստանի և Ադրբեջանի Արտաքին գործերի նախարարները: