Լեռնային Ղարաբաղի վրա սեպտեմբերի 19-ի Ադրբեջանի իրականացրած լկտի հարձակումը հերթական ապացույցն է այն բանի, որ այդ երկրի ղեկավար Իլհամ Ալիևը ցանկանում է բնաջնջել տեղի հայ բնակչությանը։ Այս մասին ասվում է X (նախկին Twitter) սոցցանցում ԱՄՆ Սենատի արտաքին հարաբերությունների հանձնաժողովի գրառման մեջ։
«Ադրբեջանի լկտի հարձակումը Լեռնային Ղարաբաղի վրա կրկին ապացուցում է Ալիևի չարամիտ մտադրությունը՝ բնաջնջելու տեղի հայ բնակչությանը։ ԱՄՆ-ն և միջազգային հանրությունը պետք է գործի անցնեն»,- ասվում է գրառման մեջ։
