Ռուսաստանի Դաշնության մարդու իրավունքների հանձնակատարի գրասենյակը Ռուսաստանի հայերի միության աջակցությամբ Հայաստան է ուղարկել 6 տոննա մարդասիրական օգնություն։ Մարդասիրական բեռը, որում ներառված են մահճակալներ, վերմակներ, տաքացուցիչներ, թեյնիկներ, սնունդ, տակդիրներ և այլն, նախատեսված է 60 ընտանիքի համար։ Մարդասիրական օգնությունը կփոխանցվի Լեռնային Ղարաբաղից տեղահանված այն անձանց, որոնք բնակություն են հաստատել Երևանում։