Իրավապահները Մոսկվայի կենտրոնում ձերբակալել են երկու անօթևանի, որոնք ներթափանցել են Քենիայի դեսպանատան շենք ու մտել խոհանոց։ Այս մասին ՏԱՍՍ-ին հայտնել են իրավապահ մարմիններում։
Դիվանագիտական ներկայացուցչության շենքի մուտքի դռնից ներս են մտել անօթևան տղամարդ և կին։ Հետո նրանք բարձրացել են երկրորդ հարկ և խոհանոցում «խնջույք» կազմակերպել։
Գործակալության զրուցակցի խոսքով՝ նրանք ծխել են և ալկոհոլ օգտագործել։ Ոստիկանները բերման են ենթարկել օրինախախտներին: Նրանց նկատմամբ գործեր են հարուցվել մանր խուլիգանության և պահպանվող օբյեկտի մուտքի հսկողության ռեժիմը խախտելու հոդվածներով։ Առաջիկայում դատարանը նրանց համար պատիժ կընտրի՝ վարչական կալանք կամ տուգանք։