Թուրքիայի նախագահ Ռեջեփ Էրդողանը, Հունգարիայից վերդառնալու ճանապարհին, ինքնաթիռում պատասխանել է լրագրողների հարցերին։ Հիշեցնելով, որ ԵՄ-ն նախաձեռնել է Ուկրաինայի և Մոլդովայի անդամակցության բանակցությունները և Վրաստանին թեկնածուի կարգավիճակ է տվել, Էրդողանին խնդրել են գնահատական տալ այդ որոշումներին։
Էրդողանը, մասնավորապես, պատասխանել է. «Նրանց թեկնածուի կարգավիճակ տալը չի նշանակում, որ նրանք կդառնան ԵՄ անդամ։ Գործընթացը կսկսվի նրանց հետ և կանգ կառնի: Այդ երկրներից ոչ մեկը Թուրքիա չէ։ Այսուհետ ԵՄ-ը պետք է մանրակրկիտ գնահատի Թուրքիայի դիրքորոշումը։ Սխալ է, որ Թուրքիային, որն ավելի պատրաստ է անդամակցել ԵՄ-ին, քան շատ անդամ երկրներ, տարիներ շարունակ ստիպում են սպասել՝ քաղաքական խոչընդոտներ հարուցելով: Թեև Թուրքիայի ռազմավարական և տնտեսական ներուժը ապացուցում է, որ արդեն հասնի ԵՄ լիիրավ անդամակցության, մենք տարիներով «շեղվել ենք»՝ տարբեր արդարացումներով: Վերջին տարիներին մեր ապրած գործընթացները ևս մեկ անգամ ցույց տվեցին, թե որքան կարևոր և արդյունավետ է Թուրքիան։ Այժմ Եվրամիությունը պետք է հրաժարվի այդ սխալից։ Հնարավոր է, որ Հունգարիայի նախագահության ժամանակ այդ հարցը բոլորովին այլ կերպ քննարկվի, և, համապատասխանաբար, կարող է նոր քայլ ձեռնարկվել»:
