Առավոտից մայրաքաղաքում տեղի ունեցած միջոցառումների հետևանքով կարճ ժամանակով փակվել էին մի շարք փողոցներ, որոնք ոստիկանության գործողությունների արդյունքում 5-7 րոպեում բացվել են: Ոստիկանությունից հայտնում են, որ այս պահին մայրաքաղաքում փակ փողոցներ ու տրանսպորտային հանգույցներ չկան:
Ժամը 11:30-ից «Դիմադրության» շարժման մասնակիցները դադարեցրել են անհնազանդության ակցիաները: ՀՅԴ անդամ Իշխան Սաղաթելյանը հայտարարել է, որ իրենց առջև դրված խնդիրն այս պահին լիարժեք կատարել են, ժամը 11:30-ից դադարեցնում են անհնազանդության ակցիաները: Նա հայտնել է, որ ժամը 19:00-ին հանրահավաք են հրավիրում Ֆրանսիայի հրապարակում:
ՀՀ ոստիկանությունից «Արմենպրես»-ին հայտնեցին, որ Երևանում «Դիմադրության» շարժման կողմից իրականացվող անհնազանդության ակցիաների ընթացքում բերման է ենթարկվել 414 քաղաքացի:
ՀՀ ոստիկանության հասարակայնության հետ կապի և լրատվության վարչությունից հայտնում են, որ քաղաքացիները բերման են ենթարկվել ոստիկանների օրինական պահանջը չկատարելու համար: