Կառավարությունն ԱԱԾ-ին գումար կհատկացնի. այսօր` հունիսի 23-ին կայացած Կառավարության հերթական նիստի չզեկուցվող հարցերի փաթեթում է ներառված սույն որոշումը, որով նախատեսվում է ՀՀ ԱԱԾ բնականոն գործունեության իրականացման նպատակով ծառայությանը 2022 թվականի պետական բյուջեով նախատեսված ՀՀ կառավարության պահուստային ֆոնդից հատկացնել 975,686.3 հազ. դրամ:
Ինչպես նշվում է որոշման հիմնավորման մեջ` հետախուզության, հակահետախուզության և ահաբեկչության դեմ պայքարի ուղղություններով տեսանելի և գոհացուցիչ արդյունքների հասնելու համար գերակա խնդիր է ազգային անվտանգության մարմինները տեխնիկապես վերազինելը, որակյալ նոր կադրերով, անհրաժեշտ մասնագետներով համալրելը:
