Արցախը որևէ կարգավիճակով Ադրբեջանի կազմում նշանակելու է ցեղասպանություն. Նաիրա Զոհրաբյան
▲ Դեպի վեր
  • Երեվան 21°C
    35%
    4 կմ/ժ
  • Շիրակ 17°C
    51%
    4 կմ/ժ
  • Լոռի 16°C
    75%
    9 կմ/ժ
  • Տավուշ 17°C
    68%
    11 կմ/ժ
  • Արարատ 22°C
    37%
    4 կմ/ժ
  • Սյունիք 19°C
    59%
    11 կմ/ժ
  • Արմավիր 22°C
    35%
    4 կմ/ժ
  • Գեղարքունիք 13°C
    67%
    12 կմ/ժ
  • Արագածոտն 20°C
    35%
    4 կմ/ժ
  • Կոտայք 18°C
    43%
    9 կմ/ժ
  • Արցախ 18°C
    45%
    10 կմ/ժ
:
  • Եվրո = 384
  • Ռուբլի = 4.17577
  • Դոլար = 388

Արցախը որևէ կարգավիճակով Ադրբեջանի կազմում նշանակելու է ցեղասպանություն. Նաիրա Զոհրաբյան

Արցախը որևէ կարգավիճակով Ադրբեջանի կազմում նշանակելու է ցեղասպանություն. Նաիրա Զոհրաբյան

ՀՀ ազգային ժողովի նախկին պատգամավոր,  «Անվտանգություն եւ ժողովրդավարություն» իրավապաշտպան հասարակական կազմակերպության հիմնադիր Նաիրա Զոհրաբյանը շեշտում է՝ Արցախը որևէ կարգավիճակով Ադրբեջանի կազմում նշանակելու է ցեղասպանություն: Զոհրաբյանը նման տեսակետ հայտնեց «Ազգային ժողովի կանոնակարգ» սահմանադրական օրենքում լրացում կատարելու մասին օրենքի նախագծի վերաբերյալ կազմակերպված խորհրդարանական լսումներում։

Զոհրաբյանը նկատեց՝ Ադրբեջանը կրկին սպառնում է: «Երեկ Ադրբեջանի ԱԳՆ խոսնակը հայտարարել է, թե Հայաստանը հետևություններ չի անում 44-օրյա պատերազմից»,-ասաց Զոհրաբյանը:

Ապա նա նշեց՝ Հայաստանում խոսվում է Ադրբեջանի հետ խաղաղության պայմանագրի մասին:

«Որևէ կարգավիճակով՝ կլինի մշակութային ինքնավարություն, թե այլ կարգավիճակով Արցախը Ադրբեջանի կազմում նշանակելու է ցեղասպանություն, արցախասպանություն»,-ընդծգեց Զոհրաբյանը:

Նա հիշեցրեց հայ սպային գլխատած Ռամիլ Սաֆարովին, որը «հայրենասիրության» օրինակ պետք է լինի յուրաքանչյուր ադրբեջանցու համար, ապա հարցրեց՝ ի՞նչ խաղաղության, խաղաղության պայմանագրի մասին կարող է խոսք լինել:

Զոհրաբյանը նախազգուշացրեց Արցախը վերջնականապես կորցնելու վտանգի մասին՝ ընդգծելով, որ ժամանակ չկա, կոնկրետ գործողություններ, քայլեր են պետք:

«Ես շատ ցավում եմ, որ ՌԴ-ն դուրս եկավ Եվրոպայի խորհրդից: Չի բացառվում, որ ՌԴ-ն դուրս կգա նաև ԵԱՀԿ Մինսկի խմբից, իսկ դա կնշանակի ուղղակիորեն տապալել ԵԱՀԿ Մինսկի խմբի աշխատանքները»,-ասաց Զոհրաբյանը՝ հավելելով, որ Հայաստանը հույսը պետք է ինքն իր վրա դնի:

Թեմայի այլ նորություններ