Արցախի նախագահ Արայիկ Հարությունյանը հարցաքննության կհրավիրվի Արցախի Հանրապետության քրեական օրենսգրքի 312-րդ հոդվածի 1-ին մասով (Սահմանադրական կարգը տապալելը) նախատեսված հանցագործության հատկանիշներով հարուցված քրեական գործով: Այս մասին տեղեկացնում են Արցախի գլխավոր դատախազությունից:
«Հաշվի առնելով լրատվամիջոցների պարբերական հարցումները, տեղեկացնում ենք, որ Արցախի Հանրապետության քրեական օրենսգրքի 312-րդ հոդվածի 1-ին մասով նախատեսված հանցագործության հատկանիշներով հարուցված քրեական գործով, առաջիկայում հարցաքննության է հրավիրվելու նաև Արցախի Հանրապետության նախագահը»,-մանրամասնում են դատախազությունից՝ հավելելով, որ հարցաքննության օրվա մասին կտրվի լրացուցիչ տեղեկություն։