«Նեմանը» Բելառուսի Բարձրագույն խմբի առաջնության 11-րդ տուրում հյուրընկալվելիս 2-0 հաշվով հաղթանակ է տոնել «Գորոդեյայի» նկատմամբ:
67-րդ րոպեին 11-մետրանոց հարվածով գոլի հեղինակ է դարձել Հայաստանի հավաքականի թեկնածու Գեղամ Ղադիմյանը: Նա մասնակցել է ամբողջ հանդիպմանը: Սա հայ ֆուտբոլիստի 7-րդ գոլն էր Բելառուսի ընթացիկ առաջնությունում:
Հավելենք, որ «Նեմանը» միավորների քանակը հասցրել է 14-ի և 16 թիմի պայքարում 7-8-րդ հորիզոնականներն է բաժանում «Ռուխի» հետ: