Չինաստանի մայրաքաղաք Պեկինում ընթացող 24-րդ Ձմեռային Օլիմպիական խաղերում այսօր ելույթ ունեցան նաև Հայաստանի ներկայացուցիչները։

Հայ գեղասահորդներ Թինա Կարապետյանն ու Սայմոն Պրուլքս Սենեկալը կարճ ծրագրում հաջող ելույթից հետո, ստացան Ազատ պար ծրագրում ելույթ ունենալու ուղեգիր՝ հավաքելով 65,87 միավոր։

Ազատ պար ծրագիրը տեղի կունենա փետրվարի 14-ին։

Հայաստանը 16 տարվա ընդմիջումից հետո առաջին անգամ է մասնակից ներկայացնում Օլիմպիական խաղերի գեղասահք մարզաձևում։