Արցախի քաղաքական և ռազմական գործիչ Վահան Բադասյանն այսօր Եռաբլուրում ֆիզիկական ոչնչացման սպառնալիքներ է հնչեցրել վարչապետի հասցեին` Նիկոլ Փաշինյանին «թշնամի» որակելով: Ավելի ուշ Վահան Բադասյանը բերման է ենթարկվել ԱԱԾ: ՀՀ գլխավոր դատախազի խորհրդական Գոռ Աբրահամյանը հայտնել է, որ հետագա գործողությունների մասին կհայտնեն լրացուցիչ:
Նշենք, որ Եռաբլուրում այսօր լրագրողների հետ զրույցում Վահան Բադասյանը հայտարարեց, որ Նիկոլ Փաշինյանին պետք է հեռացնել ոչ միայն որպես պարտության սիմվոլի, այլ նաեւ թշնամու: Հարցին, թե հեռացնելու ինչ ճանապարհներ կան, Բադասյանն ասաց.
«Տարբեր, ընդհուպ՝ մինչեւ ֆիզիկապես հեռացնելը: Այսինքն՝ դա ենթադրում է, որ թշնամուն մենք պետք է վերացնենք... այո՛, զենքի միջոցով նաեւ... այո՛, ես սպառնալիքի կոչեր եմ անում եւ գիտակցաբար եմ անում, թող ԱԱԾ-ն ինձ ձերբակալի»: Լրագրողների ճշտող հարցին, թե դա անհատնե՞րը պետք է անեն, Բադասյանը հայտարարեց, որ մեկը ինքը պատրաստ է դա անելու:
